विरोधाभास..

सध्या शहरात रंगीबेरंगी टोप्या दिसतायत.
तांबड्या, पिवळ्या,जांभळ्या, केशरी...विविध रंगाच्या.
एक क्षण नुसती बाहेर नजर टाकली तरी ह्या खुललेल्या टोप्या आपली वाटच बघत असतात.
तिसऱ्या मजल्यावरून माझ्या खिडकीबाहेर मी जेंव्हा नजर टाकते, तेंव्हा मला अशीच एक केशरी टोपी दिसते...गुलमोहोराची...
वरून दिसणाऱ्या कौलारू छपरांमधून वर डोकावणारी.
आपण मोठ्या गर्वाने उभारलेल्या उंच उंच करड्या इमारती देखील मला दिसतात.
त्यांच्याच बाजूला दिसतात छोटीछोटी लालबुंद कौलारू छप्परं आणि त्यातून मधूनच डोकावणाऱ्या निसर्गाच्या ह्या रंगीबेरंगी टोप्या...

पांढऱ्या टोप्यांपेक्षा सरळ, सुंदर, आणि निर्मळ...