मैत्रीचं जाळं असतं....
मैत्रीचं पोळं असतं...
जाळं दूरदूर पसरतं.
मूळ विसरतं.
एका झटक्यात निखळून जातं.
पोळं मधुर असतं..
एकमेकांना धरून असतं.
कोणी आक्रमण केलं तर
डंख करून एकजात आत्मदहन करतं!
माझं नाही जाळं.
माझं आपलं छोटंसं पोळं.
जाळपोळ करण्यापेक्षा बरं!
8 comments:
हाहा... गोड कविता आहे... :)
अनघा, काय लिहीतेस गं तू! खरंच शब्दं नाहीत माझ्याकडे!! एक मात्र नक्की तू एखादं पुस्तक लिहीलंस तर त्यातली एक प्रत मी विकत घेतलेली असेन :) God bless you.
`गदिमा' यांनी एक `ळ' वापरून गाणे लिहिले होते त्याची आठवण झाली !!!!
सौरभ आणि श्रीराज, तुमच्या उस्फुर्त प्रतिक्रिया वाचून मला एकदम हुरुपच येतो! मनापासून धन्यवाद! :)
पोळ.. जाळ.. जाळपोळ .. भारीच जुळवा-जुळवी... :) माझ्याकडचे शब्द संपत आलेत... :)
राजीव, गदिमांची कुठली कविता?
‘घननीळा लडिवाळा’. गदिमांना एकदा कोणीतरी म्हणालं होतं की, ‘‘ळ’ हे अक्षर फार रुक्ष आहे. या अक्षराच्या सहाय्याने बनणारे फार कमी शब्द आहेत. तेव्हा गदिमांनी ‘घननीळा लडिवाळा, झुलवू नको हिंदोळा’ हे गाणं लिहिलं.
अरे व्वा! संकेत, I am impressed! तुला अगदी माहितेय हे! :)
Post a Comment